WAKATI akiwa gumzo kwake katika usajili, Cristiano Ronaldo ameachana na habari za kurejea Manchester United kutoka Real Madrid na kwenda kutazama wakali wa Tenisi wakionyeshana ufundi jana.
Nyota huyo Mreno alikuwa na asali wake wa moyo, Irina Shayak kutazama michuano ya Madrid Open akimshuhudia Rafael Nadal akimfunga David Ferrerseti 3-0 (4-6, 7-6 na 6-0.
Huko aliungana na Sergio Ramos na nyota wa Atletico Madrid, Radamel Falcao.
Wakali wote hapa: Radamel Falcao (kushoto), Cristiano Ronaldo (katikati) na Sergio Ramos (kulia) katika tenisi
Kiss-tiano: Ronaldo alikuwa na mpenzi wake Irina Shayak katika mechi ya Rafael Nadal na David Ferrer
Kitu hicho: Falcao (kulia) akiwa ameketi na mkewe mja mzito, Lorelei Taron
Ronaldo alifunga bao lake la 200 Real Madrid katika mechi dhidi ya Malaga wiki iliyopita, lakini hana furaha na mambo jinsi yanavyokwenda chini ya Jose Mourinho.
Ofisa Mtendaji Mkuu wa United, David Gill amefika Madrid kukutana na Jorge Mendes, wakala maarufu Mreno ambaye anamuwakilisha nyota huyo.
Vyanzo vilisema Jumatano kwamba, mabingwa hao wa Ligi Kuu England wanajiamini watamrejesha mchezaji huyo ambaye walimuuza Real Madrid kwa dau la rekodi ya dunia, Pauni Milioni 80 mwaka 2009.
Mkali: Nadal alikuwa moto jana katika Nusu Fainali za Madrid Open
Kibonde: Ferrer aligalagazwa
